Kryetari i Prishtinës, Përparim Rama, ka reaguar për ndërhyrjet e ujësjellësit në rrugët e kryeqytetit, pas dëmtimit të asfaltit në rrugën ‘Ahmet Krasniqi’.
Rama theksoi se ujësjellësi duhet të njoftojë Komunën për çdo intervenim që përfshin prerjen e asfaltit dhe trotuareve.
Ai gjithashtu kërkoi që Drejtoria e Investimeve Kapitale të ndërhyjë për sanimin dhe asfaltimin e sipërfaqeve të dëmtuara.
Në postimin e tij, Rama shprehet se prerja e asfaltit në rrugën ‘Ahmet Krasniqi’ është kthyer në pengesë për trafikun dhe rrezik për sigurinë publike.
