Pas deklaratës së gjatë dhe mjaft kritike që Alketa Vejsiu publikoi ndaj Big Brother Kosova, debati është ndezur edhe më shumë. Producentja e programit ka reaguar menjëherë në rrjetet sociale, duke publikuar një kundërpërgjigje të drejtpërdrejtë dhe të ashpër, e cila ka bërë xhiron e mediave online.
Në reagimin e saj, ajo i drejtohet hapur Vejsiut, duke e akuzuar për paragjykim, sipërfaqësi dhe mungesë profesionalizmi. Mes tjerash, producentja i shkruan:
“Dmth të gjykosh ti: ‘Mbretëresha’ e programeve të vyshkur, arkaikë, pa emocion, ashtu fake si ty!
Dhe mos analizo një program vetëm nga rrjetet sociale, meqë thua se nuk e ke parë, se tregon jo profesionalizëm!
S’ke faj se ti ashtu je, fasadë jo brendi, e si e tillë programin e gjykon nga disa video interneti.
Gjithsesi të sfidoj, po kam frikë se do humbasësh si para ca vitesh…”
Kjo deklaratë ka shkaktuar reagime të shumta, duke e kthyer temën në një përplasje të hapur mes dy prej emrave më të njohur të televizionit shqiptar. Komentet në rrjet janë polarizuar, me ndjekës që mbështesin njërën palë ose tjetrën, ndërsa debati vazhdon të jetë një nga temat më të diskutuara të momentit.
Përplasja publike pritet të ketë jehonë edhe në ditët në vijim, pasi të dyja figurat janë të njohura për ndikimin e tyre në botën e televizionit dhe prodhimeve të mëdha.
