Një skenë e nxehtë ka shpërthyer në Big Brother VIP Kosova mes Benitës dhe Elijonës, duke sjellë edhe një herë tensione në shtëpi. Gjithçka nisi kur Elijona rikujtoi një moment ku, sipas saj, Benita kishte prekur një temë të ndjeshme, duke futur në debat fjalën “nënë e ndjerë”. Situata u rëndua menjëherë.
Në debat e sipër, Benita u shpreh: “S’e ka nënën këtu, s’ka argumente”, por më vonë mohoi që e kishte thënë një gjë të tillë.
Elijona reagoi menjëherë:
“Jo, por kjo po m’kapet te nëna. Më thotë ‘ku e ke mamin?’”
Benita, e habitur ose e shtirur, pyeti:
“Kush tha ‘ku e ke mamin’?”
Elijona vazhdoi:
“Çka the?”
Dhe Benita, duke rritur zërin, përsëriti:
“Ku e ke mamin?!” – ndërsa pretendonte se kurrë nuk kishte përmendur fjalën në atë kontekst.
Mosmarrëveshja vijoi me tone të larta.
Elijona e sfidoi:
“Pse e përmende? Pse e fut fjalën ‘mami’ në debat?”
Ndërkohë, Benita iu kundërpërgjigj:
“Qysh ‘mami’? Kush e ka thënë? Nëse kam thënë unë ‘mami’, dal direkt. Kamerat janë këtu, oj viktimë.”
Elijona e mbylli replikën duke thënë:
“Viktimë e jotja? Kurrë.”
Ky episod ndezi debate të shumta si brenda ashtu edhe jashtë shtëpisë, duke rikthyer vëmendjen tek tensionet personale dhe provokimet që shpërthejnë shpesh në Big Brother VIP Kosova.
