Spektakli “Big Brother VIP Kosova 4” ende pa mbushur 48 orë nga nisja ka sjellë përplasjen e parë të vërtetë mes banorëve. Këtë herë, në qendër të debatit u gjendën Benita dhe Elijona, dy nga vajzat që që nga hyrja kanë tërhequr vëmendjen e publikut.
Gjithçka nisi kur Elijona deklaroi se nuk kishte asnjë problem personal me askënd në shtëpi dhe se qëndrimi i saj ishte i qetë. Por Benita nuk hezitoi t’i kundërpërgjigjej, duke e kthyer situatën në debat.
Me tone të larta dhe një ironi të dukshme, Benita iu drejtua Elijonës duke i thënë:
“Adios e ke zemër, kam debate të tjera unë. Shko pi lëng, pi cigare, përqafe Edin edhe tung”.
Kjo deklaratë ndezi atmosferën dhe krijoi tension mes banorëve, ndërsa pjesa tjetër e shtëpisë mbeti e habitur nga shpërthimi i papritur. Përplasja e parë duket se po i jep sinjalin një sezoni me dinamika të forta dhe debate që vetëm sa kanë filluar.
