Operacion ndërkombëtar kundër mashtrimeve telefonike: 276 të arrestuar

Forcat e policisë në Kinë, Shtetet e Bashkuara dhe Emiratet e Bashkuara Arabe kanë arrestuar 276 të dyshuar për mashtrime telefonike në një operacion të përbashkët kundër grupeve kriminale në Dubai.

Operacioni i parë i këtij lloji mes tre vendeve ka shkatërruar nëntë baza të mashtrimeve.

Viktimat dyshohet se janë mashtruar për të investuar në skema të rreme të kriptovalutave.

Autoritetet kineze kanë deklaruar se do të vazhdojnë bashkëpunimin me vende të tjera për të goditur rrjetet ndërkombëtare të mashtrimeve online.