Ministri i Mbrojtjes, Ejup Maqedonci, ka takuar të enjten ministren e Industrisë, Ndërmarrësisë, Tregtisë dhe Inovacionit, Mimoza Kusari, ku është diskutuar koncepti, struktura dhe organizmat që do të transformojnë industrinë e mbrojtjes të Kosovës.
Ky ligj pritet të hapë rrugën për një zhvillim të qëndrueshëm dhe ndërsektorial, duke e bërë industrinë e mbrojtjes motor të inovacionit dhe sigurisë kombëtare.
Grupi punues do të finalizojë koncept-dokumentin dhe do të hartojë draftligjin, duke bërë hapin tjetër drejt fillimit të zhvillimit të industrisë së mbrojtjes.
Mimoza Kusari tha se përveç dispozitave kryesore, në takim u trajtuan edhe shtrirja ndërsektoriale, e cila, sipas saj, do të mundësojë zhvillimin e qëndrueshëm të industrisë së mbrojtjes.
