Ministri për Evropën dhe Punët e Jashtme i Shqipërisë, Ferit Hoxha, bisedoi me homologun e tij kroat, Gordan Grlic-Radman, për thellimin e bashkëpunimit dypalësh në sektorë kyç si ekonomia, energia, mbrojtja dhe turizmi.
Diskutuan gjithashtu për projekte rajonale si Korridori Adriatiko-Jonian, Gazsjellësi Trans Adriatik dhe Iniciativa e Tre Deteve në Evropën Juglindore.
Ata u përqendruan në sigurinë dhe bashkëpunimin rajonal si aleatë në NATO për të kontribuar në paqe, stabilitet dhe mbrojtje kolektive.
Ministri shqiptar, Ferit Hoxha, theksoi përkushtimin për avancimin e sigurisë dhe stabilitetit në rajon.
