Këngëtari i njohur nga Ferizaj, Labinot Tahiri, ka pritur sot në një takim ish-presidenten e Kosovës, Vjosa Osmani.
Në postimin e tij në Facebook, Tahiri tha se Osmani ishte e gatshme për të dhënë më të mirën për Kosovën, ashtu siç ka vepruar edhe në të kaluarën. ‘E nderuar presidente, faleminderit që na vizituat qytetin tonë, një vend i fortë në ekonomi, politikë, mjekësi dhe arsim.
Ju e dini që ne kemi politikanë, biznesmenë, mjekë e mësimdhënës të përkushtuar për qytetin dhe shtetin, si për shëndetin, ekonominë dhe arsimin për rininë dhe qytetarin tonë.
Të dashur bashkombas, ta dini se presidentja ishte në formë shumë të mirë, e qetë dhe e gatshme për të dhënë më të mirën për vendin tonë, ashtu si në të kaluarën, me një fushatë me moral politik, kombëtar e ndërkombëtar.’ Tahiri gjithashtu tregoi ‘amanetin’ e ish-presidentes, raporton Klankosova.tv: ‘Presidentja ma la një amanet: më tha: Labi, nëse ke telashe ti, qytetari dhe rinia jonë mos e leshoni vendin por vetëm CALL ME [Më telefono]’.
