Kryetari i Prishtinës, Përparim Rama, është përfshirë në debatin për zgjedhjen e presidentit të vendit.
Ai ka hedhur kritika ndaj Lëvizjes Vetëvendosje për mos-zgjidhjen e kësaj çështjeje. ‘Kosova nuk i përket një lëvizjeje, një lideri apo një narrative të vetme.
Ajo u përket qytetarëve të saj.’ ‘Situata që po zhvillohet në Kuvendin e Kosovës është thellësisht shqetësuese dhe pasqyron një përqendrim të rrezikshëm të pushtetit, që minon vetë themelet e republikës sonë demokratike.
Ajo që po shohim nuk është qeverisje e shëndetshme, por një model alarmues kontrolli, përjashtimi dhe kapjeje të institucioneve’, tha ndër të tjera kreu i kryeqytetit.
Ai theksoi se Kosova duhet të mbetet besnike ndaj parimeve demokratike dhe se qeverisja duhet të fuqizojë komunat. ‘Duhet t’i rezistojmë çdo tendence për monopolizim politik.
Demokracia kërkon përmbajtje, përfshirje dhe respekt për institucionet.
E ardhmja jonë varet nga mbrojtja e normave demokratike, jo nga zbehja e tyre’, u shpreh kryetari i Prishtinës, Përparim Rama.
