Kryeministrja e Italisë, Giorgia Meloni, e ka cilësuar si të papranueshme kritikat e presidentit amerikan, Donald Trump ndaj Papa Leonit.
Ajo ka reaguar ndaj kritikave të Trump për Papa Leonin, duke e mbrojtur Atin e Shenjtë dhe thirrjet e tij për paqe.
Meloni tha: “I konsideroj fjalët e Presidentit Trump drejtuar Atit të Shenjtë të papranueshme.
Papa është kreu i Kishës Katolike dhe është e drejtë dhe e përshtatshme që ai bën thirrje për paqe dhe dënon të gjitha format e luftës.” Kjo deklaratë është bërë në një kohë kur reagimet për zhvillimet në Lindjen e Mesme po shtohen.
