Kryeministri britanik Keir Starmer nuk largohet pas humbjes së madhe të Partisë Laburiste në zgjedhjet lokale

Kryeministri britanik Keir Starmer ka thënë se nuk do të largohet nga ky post, pasi rezultatet e para të zgjedhjeve lokale në Angli tregojnë humbje të madhe për Partinë Laburiste dhe fitore për partinë “Reform UK”.

Në anën tjetër, lideri i Reform UK, Nigel Farage, tha se Laburistët po “fshihen nga harta” dhe se rezultatet përfaqësojnë “një ndryshim vërtet historik” në politikën britanike, raporton BBC.

Deri tani, Laburistët kanë humbur kontrollin e tetë këshillave lokalë, ndërkaq Reform UK ka fituar rreth 400 vende.

Sidoqoftë, priten ende rezultate të tjera gjatë vazhdimit të numërimit.