Komandanti i Forcës së Sigurisë së Kosovës (FSK), gjenerallejtënant Bashkim Jashari, është pritur në takim nga ambasadori i Mbretërisë së Bashkuar në Kosovë, Jonathan Hargreaves, së bashku me delegacionin britanik.
Jashari informoi ambasadorin për arriturat, aktivitetet, operacionet dhe planet për forcën, duke shprehur mirënjohje për mbështetjen e vazhdueshme të Mbretërisë së Bashkuar në ngritjen e kapaciteteve të FSK-së.
Diskutuan për situatën aktuale të sigurisë në Kosovë dhe rajon, duke pajtuar thellimin e bashkëpunimit në arsim, edukim dhe zhvillimin profesional të liderëve dhe njësive të FSK-së për rritjen e profesionalizmit dhe kapaciteteve operacionale.
Ambasadori falënderoi Jasharin për lidershipin e treguar në zhvillimin e FSK-së.
Palët u zotuan për forcimin e bashkëpunimit në adresimin e sfidave të sigurisë.
Burimi origjinal i informacionit: zeri .info
