Kiara Tito dhe Luiz Ejlli kanë ndarë me ndjekësit një set të ri fotografik familjar, ku shfaqen së bashku me vajzën e tyre, Luna Mari, në një atmosferë të ngrohtë festive me temë Krishtlindjesh.
Fotografitë u pritën me shumë reagime pozitive dhe komente dashamirëse në rrjete sociale.
Detaji që tërhoqi më shumë vëmendje u bë publik nga fotografja e njohur Rrezarta Shkurta, e cila realizoi fotosesionin.
Ajo ndau me ndjekësit një kërkesë të veçantë të Kiarës, e cila lidhej drejtpërdrejt me mënyrën se si do të realizoheshin imazhet.
Në mbishkrimin e saj, Rrezarta tregoi se Kiara ishte shumë e qartë në dëshirën e saj: “Kiara kishte vetëm një kërkesë: Fotot i dua të papunuara me photoshop.
Dhe ashtu natyrale sepse çdo inperfeksion është perfekt për mua”.
Kjo zgjedhje për të shmangur ndërhyrjet digjitale dhe për të ruajtur natyrshmërinë e plotë të momenteve, sipas fotografes, pasqyron dëshirën e çiftit për të treguar anën më reale dhe të sinqertë të jetës së tyre familjare.
