Një moment shumë i papritur dhe argëtues ndodhi gjatë emisionit Ferma VIP në Kosovë, kur një nga lopët e fermës ka humbur unazën e diamantit të Sarës, duke e gëlltitur papritmas.
Moderatorja Arbana Osmani e bëri publike këtë ngjarje duke ndarë një bisedë të stafit në rrjetet sociale, ku situata u sqarua.
Në fillim, një anëtare e stafit njofton për incidentin, ndërsa më pas episodi merr një kthesë humoristike, me banorët që tentojnë të rikuperojnë unazën në mënyra të çuditshme dhe të qesharake.
Postimi i Osmanit u shoqërua me një përshkrim ironik: “Lajmet që (nuk) duam”, duke bërë këtë moment një nga më të komentueshmet dhe argëtuesit e këtij sezoni.
