Ushtruesja e detyrës së presidentes, Albulena Haxhiu, së bashku me kryeministrin Albin Kurti dhe të tjerë, bënë homazhe pranë memorialit ‘Heroinat’ për të nderuar sakrificën e të mbijetuarve të dhunës seksuale gjatë luftës në Kosovë.
Haxhiu njoftoi se janë ngritur 12 aktakuza për këtë lloj krimi. ‘Kemi tri vendime të gjykatave, vendime dënuese për raste të dhunës seksuale gjatë luftës në Kosovë, dy prej tyre janë në Gjykatën Themelore, ndërsa një ka marrë vendimin e formës së prerë’, deklaroi Haxhiu.
Ajo gjithashtu shtoi se institucionet kanë shumë punë për të bërë në adresimin e përgjegjësive të tyre. ‘Kemi shumë punë për adresimin e përgjegjësive tona si institucione të Kosovës, sidomos në adresimin e drejtësisë’, u shpreh Haxhiu.
