Policia e Kosovës ka lajmëruar se pas më shumë se dy javësh është gjetur Riza Thaqi, 42-vjeçari nga Prizreni, i cili ishte shpallur i zhdukur.
Pas publikimit të fotografive të tij si ‘Person i Zhdukur’, informacionet e ofruara nga qytetarët ndihmuan në lokalizimin e tij dhe ai tani është kthyer pranë familjes së tij.
Drejtoria Rajonale e Policisë në Prizren falënderon qytetarët për ndihmën dhe informatat e ofruara lidhur me rastin.
