Gjermania nuk planifikon më të ndihmojë Izraelin të përgjigjet ndaj akuzave se po kryen gjenocid në Gaza në një çështje të ngritur nga Afrika e Jugut në Gjykatën Ndërkombëtare të Drejtësisë (GJND), tha një zëdhënës i Ministrisë së Jashtme gjermane. “Nuk do të ketë ndërhyrje në Gjykatën Ndërkombëtare të Drejtësisë”, u tha gazetarëve Josef Hinterseher, zëvendëszëdhënës i Ministrisë së Jashtme gjermane, raportoi Shërbimi i Lajmeve Hebraike (JNS), shkruan Aljazeera, transmeton Klankosova.tv.
Vendimi i Berlinit vjen ndërsa Gjermania mbrohet nga akuzat e Nikaraguasë se mbështeti gjenocidin e Izraelit, në një çështje të veçantë para GJND-së, tha Hinterseher. “Tani jemi pjesë e një procesi në GJND të iniciuar nga Nikaragua dhe kemi vendosur të përqendrohemi në këtë proces”, tha ai.
