Në shtëpinë e Big Brother VIP Kosova, Getoari ka hapur zemrën para Albës duke rrëfyer një moment tejet të rëndë nga jeta e tij. Ai kujtoi një përvojë të frikshme, ku sipas tij kishte përjetuar daljen e shpirtit nga trupi dhe më pas rikthimin në jetë.
Gjatë bisedës, ai përshkroi me detaje çastin kur nuk ndodhej mirë fizikisht dhe mendonte se po largohej nga kjo botë. “Në atë moment kur ika nga trupi, në atë qetësi, pa asnjë zhurmë, më doli një figurë. I pati sytë krejt zi, flokët pak si të gjata dhe më shikoi e më tha ‘s’është koha’”, rrëfeu ai, duke shtuar se menjëherë pas kësaj ishte zgjuar në klinikë në Spanjë, ku mjekët po e rikthenin në jetë.
Ai përshkroi edhe çastin e rikthimit: “Menjëherë e ndjeva të ftohtin, më dukej trupi im shumë i vogël për shpirtin tim, si i bllokuar në trup”.
Ky moment emocional e ka prekur fort Albën, e cila e dëgjoi me vëmendje tregimin e Getoarit.
