Furnizimi me ujë në Fushë Kosovë pritet të stabilizohet nesër

Komuna e Fushë Kosovës ka njoftuar se furnizimi me ujë për qytetarët e saj pritet të stabilizohet nesër.

Për të siguruar furnizim të rregullt me ujë të pijshëm do të organizohet shpërndarje përmes autoboteve në disa lokacione të qytetit, thuhet në njoftim.

Qytetarët ftohen të ndjekin njoftimet zyrtare të KRU Prishtina dhe të furnizohen sipas orarit të përcaktuar.

Komuna e Fushë Kosovës koordinohet me institucionet për të siguruar informim të saktë dhe trajtim të shpejtë të situatës.