Në shtëpinë e Big Brother VIP Kosova ka shpërthyer një prej momenteve më të forta emocionale të këtij edicioni. Debati mes Labit dhe Elijonës ka ndezur rrjetet sociale, pasi një fjali e tij u perceptua si prekje e një teme tepër të ndjeshme për të.
Gjithçka nisi kur Labi, gjatë një bisede, i tha Elijonës:
“Unë nuk kam ikur kurrë nga shtëpia.”
Një deklaratë që u kuptua si krahasim i situatës së tij me të kaluarën e Elijonës, e cila ka jetuar për vite me një familje gjermane për rrethana që nuk kanë qenë zgjedhje e saj.
Reagimi i Elijonës ishte i menjëhershëm dhe i qartë:
“Më vjen keq për nivelin tënd. Unë asnjëherë s’kam ikur me dëshirë nga familja ime, prandaj të lutem mos prek aty ku s’duhet.”
Kaq mjaftoi që situata të marrë përmasa të mëdha edhe jashtë shtëpisë. Komentet e publikut nën videon e momentit u shumuan me qindra, dhe pjesa më e madhe e tyre kritikuan Labinin për mënyrën si e trajtoi temën.
Një koment i ndjekësve shkruante:
“Ka dallim kur ik prej shtëpisë, e kur dikush të largon me zor. Ky ose është i painformuar, ose po provon me e lëndu me qëllim.”
Të tjerë e quajtën momentin të papranueshëm:
“Si kapet kështu një fëmije? Turp.”
Ndërsa disa donin të sqaronin edhe realitetin e Elijonës:
“Ajo ka jetuar me familje gjermane sepse ka qenë e mitur dhe kështu kanë qenë rrethanat. Nuk është ikje me dëshirë.”
Mes gjithë reagimeve, u vlerësua qëndrimi i qetë i Elijonës, e cila nuk e ngriti zërin, por i dha një përgjigje të prerë, duke vënë vijën mes lojës dhe realitetit personal.
Publiku e përgëzoi për forcën dhe maturinë, ndërsa momenti vijon të diskutohet gjerësisht si një nga debatet më të tensionuara të javës në BBVK.
