Ekipi i Drake ka hedhur poshtë zërat se reperi është babai i fëmijës së Keshia Chante, e cila njoftoi së fundmi se është në pritje të një djali.
Chante, 38 vjeçe, zbuloi në një intervistë për “Hello!” të martën se është shtatë muajshe shtatzënë dhe se po pret një djalë.
Në intervistën e shoqëruar me fotografi ku ajo tregonte barkun e rrumbullakosur, Chante nuk e emëroi identitetin e babait të fëmijës, duke nxitur kështu spekulime në internet se ai mund të ishte Drake, 39 vjeç, me të cilin ajo ka pasur një lidhje të gjatë në të kaluarën.
Megjithatë, përfaqësuesit e reperit të hitit “God’s Plan” i thanë “Daily Mail” se po bëjnë një “mohim të plotë” të këtyre zërave dhe konfirmuan se pretendimet për atësinë janë të pavërteta.
Drake, i cili së fundmi është përfolur për një lidhje me artisten Pinkchyu, është tashmë baba i një djali tetëvjeçar, Adonis, të cilin e ka me ish-partneren e tij Sophie Brussaux, ish-modele dhe artiste.
Në intervistën e saj, Chante nuk dha shumë detaje rreth marrëdhënies me babanë e fëmijës, por tha se aktualisht është “e padisponueshme”.
Ajo gjithashtu zbuloi se ishte në fakt babai i fëmijës ai që i kishte propozuar të kishin një fëmijë së bashku.
Burimi origjinal i informacionit: telegrafi .com
