Chuck Norris, aktori legjendar dhe mjeshtër i arteve marciale, i cili ka lënë gjurmë të pashlyeshme në filmat aksion, ka ndërruar jetë në moshën 86-vjeçare.
Ai nuk ishte vetëm aktor; me kalimin e kohës u bë një fenomen i njohur në internet përmes shakasë së famshme të njohur si ‘fakte për Chuck Norris’. ‘Faktet për Chuck Norris’ janë pretendime të ekzagjeruara dhe satirike për fuqinë, aftësitë dhe burrërinë e tij, duke e bërë atë një fenomen global.
Shakatë shpesh përmendin rolin e tij në serialin ‘Walker’, ‘Texas Ranger’, mjekrën e dallueshme dhe goditjen e tij rrethore legjendare, e cila shihet si zgjidhje për çdo problem.
Norris vetë e ka pranuar fenomenin dhe ka thënë se disa nga këto shaka janë qesharake dhe i shërbejnë që njerëzit të interesohen për faktet e vërteta mbi jetën dhe karrierën e tij.
Ai ka qenë edhe pjesë e librit ‘Official Chuck Norris Fact Book’ (2009) dhe ka marrë pjesë në reklama dhe filma ku përdoren shakatë e tij tipike.
Disa nga shakatë më të njohura janë: ‘Kur Chuck Norris bën pompa në Mars, Marsi ka tërmet.’, ‘Chuck Norris nuk përdor Google – Google përdor Chuck Norrisin.’, ‘Muri Kinez u ndërtua për të ndaluar Chuck Norrisin.
Nuk ia doli.’.
