Ish-banori i Big Brother VIP Kosova, Blero Muharremi, u rikthye në skenën e spektaklit për një moment special: prezantimin e banores së dytë të edicionit të katërt.
Banorja që ai zbuloi është Benita Zena, e cila nga ky moment bëhet pjesë e shtëpisë më të ndjekur në Kosovë dhe do të përballet me sfidat, surprizat dhe dinamika të shumta gjatë programit.
Gjatë prezantimit, Blero u pyet nëse ai vetë do t’i rikthehej garës së famshme. Ai u përgjigj me humor se do të pranonte vetëm nëse realizohet një edicion i posaçëm me “yjet” e sezoneve të kaluara.
Në fund, ai uroi të gjithë banorët për një edicion të mbarë dhe plot energji pozitive.
