Spektakli më i ndjekur në Kosovë, Big Brother VIP Kosova, do të rikthehet me edicionin e katërt më 17 nëntor, dhe gjithçka po shkon drejt finalizimit për një sezon që premton ndryshime të mëdha dhe surpriza të shumta.
Produksioni ka paralajmëruar një qasje të re, si në konceptin e lojës, ashtu edhe në pamjen e shtëpisë më të famshme në vend. Këtë vit, publiku do të shohë një strukturë krejtësisht të ndryshme nga ajo e tre sezoneve të para.
Një nga risitë më të përfolura është shtimi i një kati të dytë në shtëpi – një detaj që u konfirmua nga moderatori i emisionit, Alaudin Hamiti, përmes një postimi në “InstaStory”.
Në videon që ai ndau me ndjekësit, shihet teksa ngjitet nëpër shkallë së bashku me producenten ekzekutive Olsa Muhameti, duke zbuluar kështu elementin e ri që do të ndryshojë dinamikën e lojës.
Ky kat i dytë pritet të sjellë më shumë tension, strategji dhe energji, duke i dhënë një dimension të ri mënyrës se si banorët do të jetojnë dhe ndërveprojnë brenda shtëpisë.
Me këtë risi, Big Brother VIP Kosova 4 synon të jetë sezoni më i fortë dhe më i ndjekur deri tani, me prurje të reja, skenarë surprizues dhe momente që do të mbajnë publikun përballë ekranit çdo mbrëmje.
