Ethet e “Big Brother VIP Albania” kanë nisur të ndihen zyrtarisht, ndërsa Top Channel publikoi pak më parë promon e dytë të edicionit të pestë, duke e cilësuar si “programin e emocioneve të mëdha dhe rekordeve të pathyeshme”.
Në videon e shpërndarë në rrjetet sociale, produksioni premton aventura të reja dhe rifillimin e përjetimeve emocionuese për shqiptarët para ekranit. Megjithatë, ajo që ra menjëherë në sy ishte mungesa e një date të saktë, pasi promoja përmend vetëm: “Nga Dhjetori në ekranin e Top Channel”.
Sipas burimeve të sigurta të Prive By Liberta Spahiu, data e fillimit të edicionit është 20 Dhjetor, e shtunë, dita që do të shënojë ndezjen e dritave të shtëpisë më të famshme dhe hapjen e sezonit që pritet të mbërthejë publikun për muaj me radhë.
Ky prag sezoni vjen me një notë trishtimi, pasi Shpat Kasapi ishte paraparë të bëhej pjesë e kastit. Këngëtari i dashur për publikun nuk mundi të marrë pjesë për shkak të ndarjes së tij të parakohshme nga jeta, duke lënë pas një boshllëk të madh emocional.
Me datën 20 Dhjetor tashmë të konfirmuar, publiku shqiptar po pret të zbulojë cilët personazhe do të sfidojnë veten në këtë aventurë emocionuese, duke sjellë risitë dhe dramën karakteristike të BBV Albania.
View this post on Instagram
