Bedri Hamza pranon ftesën e Albin Kurtit për një takim: Stabiliteti institucional është jetik

Kryetari i Partisë Demokratike të Kosovës, Bedri Hamza, ka pranuar sot ftesën e kryeministrit Albin Kurti për një takim.

Hamza përmes një postimi në Facebook, ka deklaruar se zgjedhja e presidentit nuk është çështje vetëm e një partie, por e të gjithë përfaqësuesve të zgjedhur të popullit. ‘Stabiliteti institucional është jetik dhe duhet të trajtohet si i tillë.

Për ne, interesi shtetëror është mbi çdo kalkulim politik dhe këtë standard e mbrojmë me vendosmëri’, shkroi Hamza.

Kurti pret në takim Hamzën për të diskutuar çështjen e zgjedhjes së presidentit.