Një ndër banoret e Big Brother VIP Kosova, Alba Pollozhani, është detyruar të largohet përkohësisht nga shtëpia më e madhe në vend pasi nuk është ndjerë mirë.
Ajo aktualisht ndodhet në spital, duke marrë trajtim mjekësor profesional.
Ky zhvillim vjen pas një periudhe të vështirë për banorët që jetojnë në izolim dhe nën presionin e vazhdueshëm të spektaklit.
Shtimi i stresit dhe intensiteti i lojës duket se kanë ndikuar edhe tek gjendja e Albës, e cila tani po merr kujdesin e duhur për të rifituar forcën dhe energjinë.
Lajmin e ka bërë të ditur faqja zyrtare e Big Brother VIP Kosova në rrjete sociale, duke theksuar se shëndeti i banorëve mbetet prioritet absolut.
Fansat dhe ndjekësit e spektaklit kanë reaguar menjëherë, duke i uruar shërim të shpejtë banores dhe duke shprehur mbështetje për të gjatë rikuperimit.
