Aktori amerikan Corey Parker, i cili është i njohur për rolin e tij në serialin ‘Will & Grace’ dhe për shumë filma dhe seriale të viteve 1980 dhe 1990, vdiq në moshën 61 vjeçare pas një beteje me kancerin.
Ai ndërroi jetë në Memphis, shteti i Tennessee-it.
Tezja e tij Emily Parker konfirmoi informacionin për vdekjen, por nuk specifikoi llojin e kancerit.
Corey Parker ka interpretuar role të shumta në Hollywood dhe ka filluar karrierën e tij në mesin e viteve 1980.
Në filmat e mëparshëm, ai ka luajtur në ‘Friday the 13th: A New Beginning’ dhe ‘9½ Weeks’ me aktorë si Kim Basinger dhe Mickey Rourke.
Në televizion, ai u bë i njohur për rolin kryesor në ‘Flying Blind’.
Në karrierën e tij, Parker ka pasur paraqitje në ‘Biloxi Blues’, ‘White Palace’, si dhe serialet ‘The Love Boat: The Next Wave’, ‘Nashville’ dhe ‘Blue Skies’.
Në vitet e fundit, ai u tërhoq nga aktrimi dhe u angazhua në punë me kolegë më të rinj.
