Rrjetet sociale janë tronditur gjatë orëve të fundit nga lajmet dhe postimet e paqarta që lidhen me artistin e njohur Sinboy, emri i plotë i të cilit është Theodore Agustin Gega. Në Instagram kanë qarkulluar mesazhe dhe pamje që kanë ngritur dyshime për vdekjen e tij, megjithatë deri më tani nuk ka asnjë konfirmim zyrtar nga familja, menaxhmenti apo burime të besueshme.
Kjo situatë ka shkaktuar reagime të shumta nga fansat, të cilët janë ndarë mes shqetësimit dhe dyshimit. Arsyeja? Sinboy ka qenë më herët i njohur për veprime të papritura dhe provokuese në rrjetet sociale, përfshirë edhe skenarë që janë interpretuar si “prank” apo ide marketingu për të rikthyer vëmendjen e publikut, sidomos para publikimit të projekteve të reja muzikore.
Në të kaluarën, artisti ka përdorur shpesh strategji jo konvencionale për të gjeneruar diskutim dhe reach, duke i mbajtur ndjekësit në pasiguri dhe kuriozitet. Pikërisht kjo e bën situatën aktuale edhe më të paqartë, pasi shumë ndjekës pyesin nëse bëhet fjalë për një ngjarje reale apo për një tjetër manovër për të ringjallur audiencën.
Deri në daljen e një deklarate zyrtare, mbetet e rëndësishme që informacionet të merren me rezervë dhe të shmangen përfundimet e nxituara. Fansat vazhdojnë të presin një reagim të drejtpërdrejtë, ndërsa rrjetet sociale janë të mbushura me komente, lutje dhe teori të ndryshme rreth fatit të Sinboy.
View this post on Instagram
