Ndërsa lajmi i ndarjes nga jeta të Shpat Kasapit ka tronditur publikun, një detaj tjetër ka bërë edhe më të rëndë emocionin e ditës: Top Channel ka konfirmuar zyrtarisht se këngëtari i njohur do të ishte pjesë e edicionit të pestë të “Big Brother VIP Albania”.
Vetëm këtë të shtunë, “Prive By Liberta Spahiu” raportoi ekskluzivisht se Shpati ishte përzgjedhur si banor i shtëpisë më të famshme në Shqipëri, duke u rikthyer fuqishëm në qendër të vëmendjes dhe duke nisur një kapitull të ri në karrierën e tij.
Produksioni i Top Channel e ka bërë të ditur se gjithçka ishte gati për hyrjen e tij në BBVA 5, duke e konfirmuar zyrtarisht pjesëmarrjen e tij të planifikuar.
Në njoftim thuhej:
“Kasapi, një ndër artistët më të dashur të muzikës shqiptare, ishte konfirmuar si pjesë e edicionit të ardhshëm të ‘Big Brother Albania VIP 5’. Pak para nisjes së spektaklit, ai u shua, duke lënë pas një publik që e ka dashur për vite.”
Konfirmimi i Top Channel ka shkaktuar reagime të shumta në rrjet, pasi publikun e ka pushtuar ideja se Shpati ishte vetëm pak ditë larg hyrjes në aventurën televizive që pritej të mbante miliona njerëz para ekranit.
Edhe më tronditës mbetet fakti se artisti 40-vjeçar po përgatitej për një rikthim të madh, një hap që shumë fansa e prisnin prej kohësh.
Shpat Kasapi, i cili ka lënë pas një repertor të pasur dhe një karrierë plot suksese, do të kujtohet tashmë edhe si artisti që ishte vetëm një hap larg shtëpisë së “Big Brother VIP Albania”.
View this post on Instagram
