Në shtëpinë e Big Brother VIP Kosova, mbrëmja e sotme solli një nga momentet më emocionale që kanë parë deri tani shikuesit. Pas një periudhe tensioni mes Benitës dhe Elijonës, të dyja vajzat u panë duke u përqafuar dhe duke mbyllur kapitullin e keqkuptimeve që i kishte larguar.
Konflikti i tyre nisi ditët e para, kur Benita, në momente nervozizmi dhe emocioni, e kishte ofenduar Elijonën disa herë, madje duke i thënë: “Se ke mamin këtu, prandaj s’ke argumenta.” Një fjali që goditi shumë rëndë, pasi publiku e dinte se Elijonës i kishte humbur e ëma dhe motra në një aksident tragjik,detaj që u rikujtua edhe në Prime, duke shkaktuar reagime të forta emocionale.
Sot, situata mori një kthesë krejt tjetër. Benita, me lot në sy dhe zë të dridhur, kërkoi falje publikisht duke thënë:
“I kam ra pishman për çdo sen. Kam dal nga vetja, kanë qenë emocionet e para në këtë shtëpi. Unë s’jam ajo Benita. Unë në fakt jam Benita e ndjeshme edhe në jetën reale.”
Ndërsa Benita fliste, Elijona e dëgjoi me qetësi dhe butësi. Pas fjalëve të pendimit, ajo tha se e pranon faljen dhe se e kupton shumë mirë se emocionet e forta mund të ndikojnë tek secili.
Momenti u vulos me një përqafim të gjatë mes tyre një pamje që i emocionoi të gjithë banorët, por mbi të gjitha publikun që ka ndjekur nga afër këtë marrëdhënie të trazuar.
Reagimet e publikut kanë qenë shumë pozitive, dhe komentet më të shpeshta ishin:
- “Kjo Benita e ka zemrën e mirë… po njerëzit veq për shkak të operacioneve e gjykojnë.”
- “Benita osht shumë e mirë ”
- “Njerëz jemi gabojmë.”
- “Elijona është shumë me zemër të mirë.”
- “She has a character development, bravo Benita ”
Këto komente tregojnë se publiku e përkrahu sinqeritetin e Benitës dhe e vlerësoi zemrën e madhe të Elijonës, duke e parë pajtimin si një moment shumë të rëndësishëm dhe emocional në shtëpi.
Ky pajtim tregoi anën njerëzore të të dy vajzave dhe solli një mesazh të fortë: falja dhe mirëkuptimi janë hapa të mëdhenj në çdo raport.
Në BBVK, ku emocionet janë në kulm çdo ditë, sot triumfoi empatia.
