Reperi i njohur nga Prishtina, 2po2, ka qenë i ftuari më i ri në “Shok Podcast” të Fis Junikut, ku ka folur hapur për rrugëtimin e tij artistik, projektet aktuale dhe detaje të reja rreth albumit të shumëpërfolur “Testament”.
Gjatë intervistës, ai zbuloi se ndër bashkëpunimet e planifikuara për album kishte edhe një ftesë të drejtuar për këngëtarin Yll Limani, me qëllim realizimin e një kënge të re. Por sipas 2po2, Ylli kishte vendosur ta refuzonte këtë bashkëpunim.
Dy artistët kanë një histori të përbashkët suksesi, pasi vite më parë sollën baladën hit “Dritat”, një këngë që u shndërrua shpejt në një prej projekteve më të dashura për publikun shqiptar.
