Këtë të dielë, programi i Robert Berishës pritet të sjellë një nga episodet më të komentuar të sezonit, pasi e ftuar speciale është ish-bashkëshortja e tij, këngëtarja Nora Istrefi. Kimia mes tyre, edhe pas ndarjes, mbetet e pahumbur dhe kjo vihet re që në promon paralajmëruese.
Nora ka hyrë në studio nën tingujt e hitit të saj “Natën”, ndërsa vëmendjen e publikut e ka marrë vargu që dëgjohet në momentin e hyrjes: “A po të mungoj, oh natën natën”. Shumë ndjekës po pyesin nëse kjo është thjesht një zgjedhje muzikore apo një ngacmim i lehtë për Robertin.
Pika më e diskutuar e promos është çasti kur Roberti i zgjat Norës një unazë. Mes shaka-ve dhe atmosferës së tyre karakteristike, ai i drejtohet me fjalët:
“A je e lirë me 4 shtator se jam tu u martu?”
Edhe pse nuk dihet nëse ky moment është skeç, humor spontan apo pjesë e ndonjë loje të emisionit, fragmenti ka mjaftuar që rrjetet sociale të shpërthejnë në komente e teori të ndryshme.
Të gjithë sytë janë tani te episodi i së dielës, për të zbuluar se çfarë fshihet pas unazës, datës 4 shtator dhe kimisë së pazëvendësueshme mes dyshes.
