Big Mama ka ndarë një rrëfim të dhimbshëm në emisionin “Kosova Live” në T7, duke treguar se vetëm pak ditë më parë ishte takuar me Shpat Kasapin gjatë disa xhirimeve festive për Vitin e Ri. Takim që sot e kujton si një ndër kujtimet më të bukura, por njëkohësisht më të rëndat emocionalisht.
E prekur dhe me zë të dridhur, ajo tha:
“S’ka as 10 ditë që u takova… më la kujtimin më të bukur. Kënduam një këngë bashkë, sikur ta dinte se do të na linte. Më tha: ‘Big, a e kendojmë “Sajzezo”, se jemi të dy tetovar?’… sikur e ndjente që do të na lej.”
Mes lotësh, Big Mama shtoi se Shpati do të jetojë përgjithmonë në kujtesën e saj, si një njeri me zemër të bardhë, një mik i rrallë dhe një koleg i pazëvendësueshëm që do t’i mungojë shumë skenës dhe miqve të tij.
