Gjatë diskutimeve të mbrëmjes në “Big Brother VIP Kosova”, Leonora Jakupi surprizoi publikun teksa vendosi të ndajë një pjesë të jetës së saj personale. Teksa trajtohej tema e paragjykimeve dhe presioneve shoqërore, opinionistja tregoi se edhe ajo ka qenë shpesh në qendër të kritikave për zgjedhjet e saj jetësore.
Leonora u shpreh se, prej vitesh, ka përballuar komente dhe paragjykime për faktin që nuk është martuar dhe nuk ka fëmijë, duke theksuar se secili ka ritmin dhe rrugën e vet në jetë. Ajo shtoi se këto gjykime shpesh janë të padrejta dhe se njerëzit duhet të mësojnë të respektojnë vendimet personale, pavarësisht pritshmërive tradicionale.
Deklarata e saj u prit me shumë reagime, duke hapur një debat të gjerë rreth presioneve sociale ndaj grave, sidomos figurave publike.
