Lutfi Dalipi dhe Samuel Krasniqi po shkëlqejnë në kampionatin zviceran, duke u bërë futbollistët më të suksesshëm në sezonin 2026/27.
Sulmuesi 20-vjeçar i FC Vaduzit, Dalipi, kryeson renditjen zyrtare të Superligës zvicerane me 36 driblime të suksesshme, duke lënë pas emra të njohur të kampionatit.
Dalipi ka pasur një sezon të jashtëzakonshëm deri tani.
Përveç aftësive të tij në lojën një kundër një, ai ka qenë vendimtar edhe në repartin ofensiv.
Ai ka realizuar pesë gola dhe ka dhënë nëntë asistime, duke kryesuar gjithashtu renditjen e asistuesve më të mirë të kampionatit.
Pas tij, renditet Umeh Emmanuel i Zurichut me 35 driblime të suksesshme.
Ky sulmues nigerian ka realizuar gjashtë gola këtë sezon dhe është një prej futbollistëve kryesorë në fazën sulmuese të ekipit të tij.
Podiumi plotësohet nga Alvyn Sanches i Young Boys me 31 driblime, ndërsa në vendin e katërt gjendet një tjetër talent me prejardhje nga Kosova, Samuel Krasniqi i Grasshoppersit, me 27 driblime të suksesshme.
Pesëshen e parë e mbyll Aliou Balde i St.
Gallenit me 24 driblime.
Në dhjetëshen e parë gjenden gjithashtu Matteo Di Giusto i Luzernit, Mathis Lambourde i Servettes, Winsley Boteli i Sionit dhe Noah Reichmuth i Thunit.
Dalipi, i cili është pjesë e Young Boys dhe luan si i huazuar te Vaduz, po tërheq vëmendjen e klubeve të tjera evropiane.
Së fundmi, RB Leipzig ka shprehur interesim për të, ndërsa më herët në garë ishin përmendur Fiorentina, Real Betis dhe SC Braga. 10 futbollistët me më së shumti driblime të suksesshme në Superligën zvicerane: 1.
Lutfi Dalipi (FC Vaduz) – 36 2.
Umeh Emmanuel (Zurich) – 35 3.
Alvyn Sanches (Young Boys) – 31 4.
Samuel Krasniqi (Grasshoppers) – 27 5.
Aliou Balde (St.
Gallen) – 24 6.
Matteo Di Giusto (Luzern) – 21 7.
Mathis Lambourde (Servette) – 19
