Spektakli i Big Brother VIP Kosova 4 vazhdon me surpriza, dhe banorja e radhës që i bashkohet garës është Elijona, e cila vjen si pjesëmarrësja më e re në moshë e këtij edicioni.
Në videon e saj prezantuese, Elijona shfaqi një karakter të fortë dhe të drejtpërdrejtë. Ajo paralajmëroi se nuk toleron prekjen në “pikat e dobëta”, duke thënë qartë:
“Nëse dikush më prek në pikat e mia të dobëta, atëherë më mirë me u zhduk.”
E re, energjike dhe pa filtër, Elijona hyri në shtëpi si beqare dhe tha se pret të qëndrojë e tillë edhe pas daljes, duke lënë të kuptohet se nuk synon romanca brenda shtëpisë.
