Grupi i hakerëve Akira ka kërkuar një shpërblim pas një sulmi kibernetik ndaj kompanisë PK Softech AG, e cila furnizon softuer për fondin federal zviceran të pensioneve, Publica.
Autorët e sulmit kanë kërcënuar se do t’i publikojnë ose rishesin të dhënat e vjedhura, ndërsa Departamenti Federal i Mbrojtjes i Zvicrës (VBS) është i informuar për këtë përpjekje për zhvatje.
Sipas një hulumtimi nga transmetuesi publik zviceran SRF, sulmuesit kanë kërkuar pagesë pas vjedhjes së të dhënave të ndjeshme.
Disa burime kanë konfirmuar se autoritetet federale janë në dijeni të kësaj kërkese.
Ky rast konsiderohet veçanërisht shqetësues, pasi dyshohet se në mesin e të dhënave të vjedhura mund të ketë edhe informacione për pjesëtarë të Shërbimit Federal të Inteligjencës dhe Zyrës Federale të Policisë (Fedpol), përfshirë zyrtarë që veprojnë brenda dhe jashtë vendit me identitete të rreme.
Sipas burimeve të SRF-së, autoritetet federale supozojnë se potencialisht informacione për personelin federal kanë përfunduar në duart e kriminelëve.
Nuk dihet se kujt i është drejtuar kërkesa për shpërblim.
