Anësori i Liverpoolit, Rio Ngumoha, ka shprehur ambicien e tij të madhe për të ardhmen, duke nënvizuar se ka si qëllim të fitojë Topin e Artë, duke ndjekur shembullin e bashkëkombësit të tij, Harry Kane.
Talenti 18-vjeçar anglez nuk e fshehu dëshirën për ta fituar këtë çmim prestigjioz, duke besuar se një ditë mund të shpallet futbollisti më i mirë në botë. “Po, 100 për qind”, u përgjigj Ngumoha kur u pyet nëse ka si synim ta fitojë Topin e Artë. “Fakti që Harry Kane e fitoi Topin e Artë është diçka shumë, shumë e madhe.
Të njihesh si lojtari më i mirë në botë është e veçantë.
Kjo i ka ndihmuar edhe futbollit anglez, sepse të gjithë e kanë parë një prej nesh duke e fituar Topin e Artë.” Ngumoha shtoi se edhe vetë synon ta arrijë këtë sukses dhe beson se ka potencialin për ta bërë realitet. “Për mua, do të doja ta arrija këtë dhe mendoj se mund ta bëj”, theksoi talenti i Liverpoolit.
