Teve 1 ka pësuar një mbyllje të plotë në YouTube, duke lënë shumë shikues të habitur dhe të zhgënjyer, sidomos ata që kërkonin të ndiqnin serialin e njohur “Logjikonomia”. Aktualisht, kanali zyrtar i televizionit nuk shfaqet më në platformë, dhe të gjitha videot e tyre – përfshirë episodet e serialeve dhe emisioneve – nuk janë më të qasshme për publikun.
Shkaku i mbylljes së kanalit ende mbetet i panjohur, pasi nuk ka asnjë njoftim zyrtar nga Teve 1 ose nga YouTube. Deri në një sqarim të mëtejmë, shikuesit nuk kanë mundësi të aksesojnë asnjë episod apo përmbajtje që më parë ka qenë publikisht e disponueshme.
