Diskutimet midis banorëve të Big Brother VIP Kosova 5, Zoja Nushit dhe Anjeza Gubetinit, vazhdojnë të jenë në qendër të vëmendjes, këtë herë duke u fokusuar në strategjitë e lojës brenda shtëpisë.
Gjatë një bisede, Zoja i shprehu Anjezës se ajo do të kishte lënë formatin shumë më herët, nëse në garë nuk do të kishte ende banorë që, sipas saj, janë më të dobët në lojë.
Në këtë kontekst, ajo përmendi edhe ish-Miss Kosovën, Behare Maksutajn, duke lënë të kuptohet se edhe asaj i ka ardhur radha për t’u larguar nga shtëpia. “Beharja e ka rendin.
Ka akoma më të dobët se kishe ecur oj zemra ime”, i tha Zoja Anjezës.
Kjo deklaratë vjen pas një serie diskutimesh dhe përplasjeve mes banorëve, të cilët po shfaqin gjithnjë e më hapur qëndrimet e tyre për lojën dhe konkurrentët që meritojnë të vazhdojnë garën.
Në një klip të fundit, Anjeza duket se e kishte kërcënuar Zojën për shkak të një debati të ashpër që patën, duke shtuar tensionin mes tyre.
Burimi origjinal i informacionit: telegrafi .com
