Majk zbulon: “Kam marrë ftesa nga Big Brother VIP Kosova dhe Albania, por nuk e shoh veten aty”

- Advertisement -

Reperi i njohur shqiptar, Majk, ka treguar së fundmi se është kontaktuar nga produksionet e të dy reality shou-ve më të mëdha në trojet shqiptare — Big Brother VIP Kosova dhe Big Brother VIP Albania.

Në një intervistë për Klan Kosova, artisti i hitit “Katile” zbuloi se ka marrë ftesa nga të dyja formatet, por aktualisht nuk e sheh veten pjesë të një spektakli të tillë.

“Kam marrë ftesa nga dy Big Brother-at, edhe në Kosovë e në Shqipëri. A e kqyri Big Brother? Kush thotë se s’e kqyr, rren, se sot jemi të gjithë nëpër telefona dhe patjetër do të të dalë diçka. Edhe nëse nuk e përcjell rregullisht, ta shfaq TikToku”, u shpreh Majk me sinqeritet.

- Advertisement -

Megjithëse ai e ndjek pjesërisht formatin përmes rrjeteve sociale, reperi tha se nuk e ka parë asnjëherë si diçka që i përshtatet.
“A kam menduar ndonjëherë të jem pjesë? Jo, kurrë. Ndoshta ndonjëherë e ndryshoj mendimin. Nuk e shoh për mua. Nuk jam gati për një format të tillë. E shoh më shumë si mundësi për të rinjtë që janë duke ardhur,” shtoi ai.

Majk theksoi gjithashtu se nuk e ndjen nevojën për të hyrë në një reality shou për të dëshmuar veten apo për të përmirësuar imazhin e tij publik.
“Nuk e ndjej nevojën me hy në Big Brother për t’ia dëshmuar dikujt nëse jam djalë i mirë, ose për të rregulluar imazhin. Jam mirë me veten,” tha reperi.

Artisti, i cili njihet për karrierën e gjatë në muzikë dhe karakterin e fortë në publik, ka treguar më herët se preferon të qëndrojë larg formateve televizive, duke u fokusuar kryesisht në krijimtarinë dhe projektet e tij muzikore.

@klankosovaofficial

A do të futet Majk në Big Brother? Tregon vetë ai

♬ original sound – Klan Kosova

- Advertisement -