Kompania Rajonale e Ujësjellësit “Prishtina” ka njoftuar se furnizimi me ujë është ndërprerë për shkak të një ndërprerjeje të energjisë elektrike.
Në një postim në Facebook, kompania thekson se si pasojë e kësaj situate, konsumatorët në zonën e Janjevës dhe të Gadimes do të përballen me mungesë uji.
Sipas njoftimit, ndërprerja e energjisë elektrike nga KOSTT/KEK ka ndikuar në zonën e Banullës dhe Konjuhit, ku ndodhet STP-ja e KRU-së, duke bërë që pompat të jenë jashtë funksionit.
Kjo do të sjellë mungesë të furnizimit me ujë për ata që furnizohen nga kjo pjesë e sistemit, përkatësisht në zonën e QMI-së, Janjevës dhe Gadimes.
Aktualisht, nuk ka informacione të qarta lidhur me arsyen e ndërprerjes së energjisë elektrike.
Kompania do të informojë qytetarët sa më shpejt që të rikthehet furnizimi me energji.
Ju falënderojmë për mirëkuptimin!
Burimi origjinal i informacionit: zeri .info
