Përzgjedhësi Ran Ben Shimon ka bërë publike listën e futbollistëve për dy ndeshjet e fundit të Ligës së Kombeve, ku Izraeli do të ndeshet fillimisht me Kosovën në Prishtinë dhe më pas me Austrinë.
Një ditë më parë, përfaqësuesja e Izraelit publikoi emrat e lojtarëve të ftuar për këto ndeshje të rëndësishme.
Ben Shimon ka vendosur të ftojë 25 futbollistë, duke përfshirë dy emra të rinj që do të kenë mundësinë e parë të luajnë për ekipin A të Izraelit.
Këta janë talenti 17-vjeçar i Barcelonës, Orian Goren, dhe mesfushori i Hapoel Be’er Shevas, Niv Yehoshua.
Në listë janë edhe emra të njohur si portieri Daniel Peretz, mesfushori sulmues Oscar Gloukh, si dhe sulmuesit Manor Solomon dhe Liel Abada.
Izraeli do të udhëtojë drejt Prishtinës, ku më 14 nëntor do të përballet me Kosovën, një ndeshje që ka rëndësi të madhe për vazhdimin e garës në Ligën e Kombeve.
Tri ditë më vonë, më 17 nëntor, izraelitët do të luajnë ndaj Austrisë në Debrecen të Hungarisë.
Portierë: Daniel Peretz, Omri Glazer, Assaf Tzur Mbrojtës: Eli Dasa, Guy Mizrahi, Roy Revivo, Anan Khalaili, Ilay Feingold, Noam Steinman, Raz Shlomo, Idan Nachmias, Nikita Stoyanov Mesfushorë dhe sulmues: Gabi Kanichowsky, Niv Yehoshua, Yarin Levi, Dor Peretz, Oscar Gloukh, Omri Gandelman, Eitan Azulay, Orian Goren, Liel Abada, Manor Solomon, Dor Turgeman, Idan Toklomati, Yarden Shua
