Një shumicë demokrate në Kongresin amerikan mund të sjellë mbështetje më të madhe për vendet e Ballkanit Perëndimor në rrugën e tyre drejt Bashkimit Evropian, ka vlerësuar Matthew Palmer gjatë një interviste në televizionin N1.
Ai ka diskutuar ndikimin e ndryshimeve politike në Washington mbi të ardhmen e politikës amerikane ndaj Ballkanit Perëndimor, sidomos pas zvogëlimit të pranisë amerikane në rajon dhe shfuqizimit të Agjencisë Amerikane për Zhvillim Ndërkombëtar (USAID).
Palmeri theksoi se një shumicë demokrate në Kongres do të ndihmojë në rritjen e mbështetjes për integrimin evropian të vendeve të rajonit.
Ai ka vënë në pah rëndësinë e normalizimit të marrëdhënieve mes Kosovës dhe Serbisë, si dhe integrimin evropian të Kosovës dhe Maqedonisë së Veriut.
Ndër politikanët amerikanë që kanë mbështetur vazhdimisht Ballkanin Perëndimor, ai përmendi Gregory Meeks dhe Chris Coons, duke theksuar se ata janë mbështetës të fuqishëm të rajonit.
Palmer shprehu shpresën se mbështetja amerikane për integrimin evropian të vendeve të Ballkanit Perëndimor do të vazhdojë.
Burimi origjinal i informacionit: zeri .info
