Barcelona ka nisur hapat për të transferuar mbrojtësin e Arsenalit, Piero Hincapie, gjatë afatit kalimtar të janarit.
Sipas informacionit të disponueshëm, drejtori sportiv i klubit katalanas, Deco, ka filluar kontaktet e para me përfaqësuesit e 24-vjeçarit nga Ekuadori, për të shqyrtuar mundësinë e realizimit të këtij transferimi.
Hincapie aktualisht nuk po merr minutat e nevojshme te Arsenali, një situatë që Barcelona dëshiron ta shfrytëzojë për ta sjellë atë në ‘Camp Nou’.
Deco dhe trajneri Hansi Flick e vlerësojnë shumë mbrojtësin për aftësinë e tij për të luajtur në dy pozita, si qendërmbrojtës dhe si mbrojtës i majtë.
Megjithatë, transferimi nuk pritet të jetë i lehtë.
Pengesa kryesore në këtë fazë është trajneri i Arsenalit, Mikel Arteta, i cili raportohet se nuk është i gatshëm ta lejojë largimin e Hincapies gjatë afatit kalimtar të dimrit.
