Bayern Munich po shqyrton mundësinë e transferimit të një prej talenteve më premtues të Ligës Premier, sulmuesin e Bournemouthit, Junior Kroupi.
Sipas “The Mirror”, kampioni gjerman është duke monitoruar me kujdes zhvillimin e 20-vjeçarit francez, i cili ka tërhequr vëmendjen e disa klubeve të mëdha evropiane me paraqitjet e tij.
Megjithatë, drejtori sportiv i Bayernit, Max Eberl, kishte deklaruar se ishte “jashtëzakonisht i kënaqur” me skuadrën aktuale, por drejtuesit bavarezë vazhdojnë të shqyrtojnë përforcimet e mundshme për të ardhmen.
Kroupi ka shkëlqyer gjatë pjesës së dytë të sezonit 2025/26, duke u shndërruar në një prej emrave më të njohur të futbollit anglez.
Një lëndim në këmbë ia ndërpreu hovin, por ai së fundmi është rikthyer në fushë, duke regjistruar dy paraqitje si zëvendësues për Bournemouthin.
Një prej përparësive më të mëdha të francezit është fleksibiliteti taktik; ai mund të luajë si qendërsulmues, mesfushor ofensiv, ose në të dy krahët e sulmit.
Përveç shpejtësisë, Kroupi dallohet edhe për aftësinë për të shënuar me të dyja këmbët.
Bayerni, megjithatë, nuk është klubi i vetëm që po e përcjell situatën e tij, pasi edhe Arsenali dhe Paris Saint-Germain janë duke monitoruar nga afër talentin e Bournemouthit.
Transferimi i tij nuk do të ishte aspak i lehtë, pasi vlera e kërkuar për shërbimet e francezit raportohet të jetë rreth 120 milionë euro.
