Claude Haagen, Përfaqësuesi i Posaçëm i Asamblesë Parlamentare të OSBE-së për Europën Juglindore, ka shprehur shqetësimin e tij për protestat e dhunshme që po ndodhin në Shqipëri.
Në një reagim të tij, Haagen i bëri thirrje të gjitha palëve që të tregojnë përmbajtje, të refuzojnë dhunën dhe të angazhohen në një dialog paqësor.
Ai theksoi se është e rëndësishme që respektimi i shtetit të së drejtës, institucioneve demokratike dhe të drejtave të qytetarëve të mbetet prioritet në një demokraci. “Si Përfaqësues i Posaçëm i Asamblesë Parlamentare të OSBE-së për Europën Juglindore, jam thellësisht i shqetësuar nga raportimet për protesta të dhunshme në Shqipëri.
Dhuna nuk ka vend në një demokraci.
U bëj thirrje të gjitha palëve të tregojnë përmbajtje, të refuzojnë dhunën dhe të angazhohen në dialog paqësor.
Respektimi i shtetit të së drejtës, institucioneve demokratike dhe të drejtave të qytetarëve duhet të mbetet përparësi absolute.” Burimi origjinal i informacionit: zeri .info
