Zhvillimet e sigurisë në Ballkanin Perëndimor dhe perspektivat evropiane të Kosovës ishin temë kryesore në takimin ndërmjet kryediplomatëve të Kosovës, Glauk Konjufca, dhe Norvegjisë, Espen Barth Eide.
Takimi u mbajt në kuadër të Forumit të Sigurisë në Varshavë, ku të dy zyrtarët shkëmbyen mendime për mundësitë e thellimit të bashkëpunimit mes dy vendeve.
Në njoftim u theksua se gjatë bisedës u diskutua për rrugën e Kosovës drejt Bashkimit Evropian, si dhe për çështjet e sigurisë në rajonin e Ballkanit Perëndimor. “Gjatë bisedës u shkëmbyen pikëpamje për rrugën e Republikës së Kosovës drejt Bashkimit Evropian, sigurinë në Ballkanin Perëndimor dhe forcimin e mëtejshëm të marrëdhënieve ndërmjet Kosovës dhe Norvegjisë”, thuhet në njoftim.
Ky takim ishte pjesë e aktiviteteve në forumin e sigurisë që u mbajt në kryeqytetin polak.
Burimi origjinal i informacionit: zeri .info
