Më 29 tetor, në orën 09:50, do të mbahet seanca në Gjykatën e Apelit për shqyrtimin e ankesës së Naim Murselit, i cili është dënuar me burgim të përjetshëm për vrasjen e bashkëshortes së tij, Liridona Ademaj.
Ankesa, e përgatitur nga dy avokatët e Murselit, përmban 30 faqe dhe kërkon prishjen e aktgjykimit ose një dënim më të butë.
Në ankesë, mbrojtja thekson se gjykata e shkallës së parë ka vlerësuar provat në mënyrë të njëanshme dhe selektive.
Ndërkohë, ngrihen pretendime edhe për mënyrën se si policia ka marrë në pyetje Murselin.
Avokatët gjithashtu argumentojnë se gjykata nuk ka marrë parasysh disa propozime të mbrojtjes, si rikonstruktimi i vendit të ngjarjes dhe ekzaminimi i rrobave të Murselit.
Po ashtu, në Gjykatën e Apelit ka depozituar ankesë edhe Leotrim Syla, avokati i të ndjerës Liridona Ademaj.
Ai ka kërkuar nga Kolegji i Apelit që, përveç Naim Murselit dhe Granit Plavës, të dënohet me burgim të përjetshëm edhe Kushtrim Kokalla.
Burimi origjinal i informacionit: zeri .info
